اكاديمية المراءة العربية

اهلا اهلا اهلا
يا ست الكل
نورتينا

واسعدنا دخولك المنتدى
يلا سجلى معانا منتظرينك

اكاديمية المراءة العربية

كل ما تهتم به المراءة العربية

عــــيـــــد ســعـــــيــــد

    الرجيم الاخضر

    شاطر

    ام عبد الرحمن
    مديرة الموقع
    مديرة الموقع

    عدد المساهمات : 237
    تاريخ التسجيل : 28/07/2010

    الرجيم الاخضر

    مُساهمة من طرف ام عبد الرحمن في الجمعة نوفمبر 12, 2010 7:29 am

    اعتدماده الاساسي الخضروات الاتيه

    البقدونس والنعناع والكربرة والشبت والكرفس وشوية منكاهات

    وتطبيقه سهل جدا
    البقدونس والكرفس من الخضروات اللي بتساعد علي حرق الدهون في الجسم وكتير مننا ممكن يكون قرأ لهم فوائد علي النت

    طيب كيفية التطبيق
    الفطار يكون حزمة من البقدونس + الكزبرة + الشبت

    الغداء حزمتين من البقدونس + الكزبرة + الشبت

    العشا زي الفطار حزمة من البقدونس + الكزبرة + الشبت

    والكرفس ممكن مع السلطه بشكل يومي بس حزمة واحدة في اليوم

    والنعناع مع الشاي او الاكل حسب الرغبة

    الجرجير من حزمة الي اتنين في اليوم حسب الرغبة

    الخس بردوا حسب الرغبة بس ياريت لو ينفع كل يوم او يوم ويوم

    حسب ما تحبوا

    طيب الموضوع كدة صعب صح بس مش ده اصلا الرجيم دي الفكرة العامة والتفاصيل بعد كدة حتكون يومياه احنا حناكل ايه اصل احنا مش ارانب ولا ايه
    الاسبوع الاول

    ملاحظات الاسبوع الاول

    ممنوع الحلويات بكل مشتقاتها الجاتوهات والتورت والكيكات وياريت لو تاخدوا بالكم من كلمة الاول يعني بعد كده في حلويات بس اللي حاقول عليها والكمية اللي حاكتبها مش اكتر ولا اقل
    ثانيا ممنوع استخدام السمنة او الزيت منعا بتا
    يوميات الاسبوع الاول معدتي وجعتني وعايزها ترتاح

    اليوم الاول من يوميات الرجيم الاخضر

    علي الريق كوب ماء بمعلقة عسل
    او تمرة وبعد كدة حاقول ليه

    الفطار ربع رغيف بلدي او تلت دايت

    بيضة صغيرة مسلوقة

    مجموعة الخضار اللي اتفاقنا عليها يعني حته جبنه قريش او قليلة الدسم عليها حزمة من البقدونس + الكزبرة + الشبت +خيار + طماطم +فلفل حلو ودول حسب الرغبة

    الغدا محشي دايت

    الطريقة
    حزمتين من البقدونس + الكزبرة + الشبت

    3طماطم متوسطة + 1فلفل + نعناع

    ربع كليو ارز + نص كليو كوسة او بادنجان او اوراق كرنب او ورق عنب حسب الرغبة

    اخلطي كمية الارز مع الخضار السابق بدون سمن اوزيت

    ثم اقمسي الكميه الي يومين

    انهاردة نص وبكرة النص التاني وسوي االنص بعد ما تحشيه بلاش كلة علشان انا عرفكم ممكن تتعشوا به ولكي لحد 10 صوابع + سلاطه +شوربة + قطعة لحمة

    العشا
    حزمة من البقدونس + الكزبرة + الشبت علي زبادي وتاكلي سلطه زبادي او جبنه قريش+ خيار + طماطم +فلفل حلو ودول حسب الرغبة


    ولكي ربع رغيف بس ده اختياري يعني لو لاغتي افضل

    مبدأيا ده اليومين انهاردة وبكرة وحاكتب باقي اليوميات والاسابيع ان حد اقتنع وقرر ينفذ معايا اما لو حد شايف انه الموضوع ده مش نافع معاه مفيش مشكلة بس انا مقررة اطبق الفكرة مع كل الاكلات مش المحشي بس بس دي البداية
    الفطار علي مدار الاسبوع

    ربع بلدي او تلت رغيف دايت او 2 توست عادي

    سلطة الجبنة القريش

    دي اساسي وممكن اي نوع جبنه غير القريش بس لو دسمة ياريت تقللي الكمية شوية يعني معلقة جبنة واحدة علي السلطة
    المقادير
    حزمة بقدونس
    حزمةشبت
    حزمة كزبرة

    نصف حزمة كرفس
    طماطم 2 وسط
    1 فلفل
    1 خيارة
    1 جزر
    معلقة صغيرة حبة البركة
    انا بحب احطها علي الاكل عن نفسي
    والمكونات الاخيرة اخيارية

    وبعدين يتقطوا كويس مع بعض وتحطي عليهم حوالي من 50الي 100 جرام جبنة قريش

    50 لو حتزودي علي الفطار بيضة مسلوقة

    100 لو حتاكلي السلطة بس

    وممكن بدل الجبنة القريش كوب زبادي بش من غير وش علي السلطة

    وممكن علي نفس السلطة دي تحتي فول من غير زيت 4ملاعق كبار

    تمام المهم انتي معاكي السلطة دي اساسي وشكلي زي ما انتي عايزة

    بس العشا

    ممكن يكون نفس السلطة دي مع جبنة قريش او زبادي بلاش البيض والفول باليل
    او فاكهة او زبادي من غير حتي السلطة المهم يكون حاجة خفيفة

    نجي بقي للغدا
    والبداية كانت بالمحشي الدايت

    اساسي علشان تتغدي لازم الغدا يكون

    فيه كمية نشويات صغيرة

    وبروتين

    دهون بردوا بكمية صغيرة

    ومعادن وفيتامينات ودي بردوا مهمة

    يبقي اساسي عاملة دايت او مش عاملة طبق السلطة هو افضل بداية لكي طيب ليه



    أشارت إحدى الدراسات الحديثة إلى أن تناول
    جزرة قبل كل وجبة بعشر دقائق تمنع هضم وامتصاص النشويات وتناول بعض أعواد من الشبت والبقدونس يمنع امتصاص الدهنيات .

    حلو يبقي طبق سلطة متين فيه كل الفيتامين واساسي مقاديره في الرجيم كده

    المقادير

    حزمة بقدونس
    حزمة شبت
    حزمةجرجير
    حزمةكرفس

    طماطم 3متوسط
    1جزرة مبشورة

    اختياري
    1فلفل
    1خيار
    خس

    وطبعا يتقطعوا بس اساسي معلش نصف ليمونة

    علشان امتصاص الحديد

    الحديد بيمتص بشكل افضل مع فيتامين سي من الليمون

    طيب ده الطبق الاساسي

    بقية الاطباق

    انا مش حفرض عليكي تاكلي ايه انا حاحط ليكي الاخيارات والكميات وانت شوفي ايه المناسب وابدئ انت طبقيه

    طبعا اي دايت بيكون مكتوب فيه الغدا كده

    طبق سلطة +طبق شوربة خضار +قطعة لحمة أو ربع فرخة او سمكة مشوية
    وطبعا
    +4 معالق رز +ربع رغيف تونة متصافية من الزيت

    خاليني بقي اقولك انت شاكلك عامل ازاي اخواتك ومامتك وباباكي قاعدي يكلوا

    رقاق وبط محمر والذي منه
    اكيد شاكلك واحد من التلاتة دول
    وانت عامله زي اللي واخد حبس انفرادي عمالة تتفرجي عليهم وتعيطي جوه نفسك

    وتقولي الله يلعن ابوه الرجيم علي ابو خاشة وطبعا مهما كنت قويه لحد امتي ممكن تصمدي

    لازم حيجي يوم زنفسك تروح علي اللي انت محرومه منه

    وبعدها تنهار قويك والرجيم يقلب انتكاسة

    هنا بقي معايا باذن الله الموضوع مختلف خالص

    احنا حنخلي ولادنا واجوزنا يتحيلوا عليك انك تاكليهم من اكلك
    مش العكس

    والسر عمرة ما كنا في السمنة ولا الزيت

    السر دايما في طريقة التتبيل والنكهات والست الشطرة تعرف تعمل كل حاجة

    من غير يأس

    يعني احنا اللي اخترعنا المكرونة بالباشميل والملوخية بالارانب مش حنقدر نخترع غيرهم

    لا خليك ذكيه وغيري حياتك من غير ما تحسي بالحرمان ابدا

    والبدايل كتير

    وانتم حتشوفوا بنفسك

    بس انا حاعمل حاجة تخيولية دلوقتي

    نفترض انك حتأكلي انهاردة

    4 معالق رز+ طبق شوربة خضار +طبق سلطه + ربع فرخة مسلوقة

    ونفس النظام ده كل شوية تكرري بصراحة حاجة يع يع

    مين مش حتزهق فيكم

    طيب احنا حنعيد عمل الوجبة دي بس بالشكل التالي

    1- طبق الفراخ بالخضار مع بشر البرتقال
    2- ارز بالتوابل
    3- طبق سلطة زبادي

    مثلا
    حنمسك طبق طبق

    1- طبق الفراخ بالخضار مع بشر البرتقال

    المقادير: ربع فرخة
    1 بطاطس
    1كوسه كبيرة
    1جزر حسب الرغبة
    1كوب بازلاء متوسط حسب الرغبة

    او اي خضار انتي بتحبه

    1بصلة
    بشر برتقالة
    عصير طماطم حسب الرغبة

    نقطع البصلة حتت ونشوحها بحبة خل ونقطع فيها الفراخ ونحط عليهم البازلاء ونقطع البطاطس واجزر والكوسه مكعبات او مبشور حسب ما تحبيني بس المكعبات احلي ومعلقة خل صغيرة
    وبعدين نحط عصير الطماطم وبش البرتقال
    وبعد ما يخده غلوة حطيهم في الفرن
    ويبقي عندي طبق خضار في الفرن طعمه تحفة

    الارز بقي يكون مسلوق كوب رز اغلي الميه بتاعته وحطي فيها فص حبهان وحباية قرنفل ومعلقه كركم وبعدين شيلي فص احبهان والقرنفل
    حياخد نفس طعم الرز البرياني وممكن تحطي الفراخ مع الرز والخضار يتعمل لوحده

    والسلطة نحط عليها زبادي من غير وش وفص توم مدقوق
    وعليه بقدونش وتبقي سلطة حلوة

    يوم ورا يوم

    يا تري حناكل ايه

    وازاي اكل صحي

    انا اكتب لكم هنا وصفات تقربية وانتم حتنفذوا حسب امكانيتكم

    تمام

    الاكلات دي تنفع فطار او غدي حسب الظروف

    الشكشوكة الدايت

    بيضة او اتنين حسب الوجبة

    1طماطم
    1فلفل
    3فصوص توم

    الطريقة

    مقلايه تيفال

    نقطع التوم والفلفل والطماطم ونشوحهم ونحط حبة ملح وفلفل اسود
    منغير سمنة او زيت او تمسحي الصنيية بفرشاة بسمنة

    وبعدين نحط البيض وعلي الوش حبة البركة

    وبعد ما يستوي نرش علي الوش بقدونس

    وبالهنا والشفا

    لو فطار بيضة ولو غدي بيضتين

    قرص البطاطس بالبيض

    المقادرير بطاطيسة متوسطة

    بيضة

    تقطع البطاطس مكعبات ونسلوقها وبعدين في مقلايه تيفال

    بفرشاة نمسح المقلاة بسمنة نحط البطاطس وعليها البيض علي عين هاديه وملح وفلفل اسمر وتاكل من غير عيش

    كفطار
    او طبق جانبي غدا

    الارز الصياديه الدايت

    بصلة متوسطة

    طماطمايه كبيرة

    1فلفل

    بشر برتقاله

    نقطع كله مع بعض في حلة

    البصل والطماطم وبشر البرتقالة والفلفل ونسيبه علي النار بدبل شوية علي نار هادئة

    وبعدين 2 كوب ارز صغير مغسول والماء وملح وكمون ولو عايزة شطة حطي

    وبعد الغليان علي نار هاديه لحد ما يستوي

    وبشر البرتقال حيخليه اصفر بدل تحمير البصل

    هي ارايكم

    لكي لحد 6 ملاعق كبيرة ارز والكمية دي ممكن تكفكي اكتر من يوم

    عايزة اتكلم انهاردة علي الطبيخ في البيوت المصريه بوجه عام وازاي نخليه صحي ونستفيد منه

    وعايزة اقولكم مش معني ان مفيش سمنه وزيت ان دي حاجة قيها ضرر لا دول عمر ما كان فيهم فايدة علشان الغاءهم يكون مضر وسبحان الله اللحمة والفراح والسمك فيهم نسبه دهون وافيد دهون الموجودة في السمك تمام

    نبدأكلام عن الطبيخ المصري الاصيل

    ماما طبعا بتدخل المطبخ

    تقطع البصل وتحمرة في كبشه سمنه محترمه وفصين ثوم

    وبعدين الطماطم في الخلاااااااااااااااااااااااااااااااااااط اصلها بتخد وقت

    وتتسبك الطمااااااااااااااااااااااااااااااااااااااااطم

    وبعدين نحط الخضار لما يطاع بوزه علي النار واديها طبعا رز بالشعريه

    ويااااااااااااااااااااااااااااااااسلام لوحبه مخلل جنب الاكل

    هههههههههههههههههه خليكوا صامدين مهما كتبت

    اخيرا فراخ محمرة او لحمة محمرة

    وبالشفا


    طب بصراحة وانتوا جاوبوا عليا ده كده اكل صحي

    اولا الطبيخ بشكل ده عمره ما حيبقي خضار الواحد يستفيد منه

    ولا لما يبقي شوربه خضار بردوا بقي مفيد ولا حتي طعمه حلو لو استحملتي يوم التاني اكيد لا

    طب معايا بقي

    في اللي انا حاكتبه

    الطبيخ الصحي اللي هو عكس الطبيخ المصري

    ههههههههههههههههه

    انت بقي اللي حتدخلي المطبخ بلاش ماما خالص

    وبردوا حتقطعي البصل عادي وبردوا بالكبشه بس ميه مش سمنه وشوحي البصل في ميه وبعدين فصين توم عادي والطماطم
    نص الماما كانت حتحطه وميه وبعد غلوة من الطماطم حطي الخضار وحاولي انه يكون يا دوبك استوي لان كده افيد ميت مرة من الحاجة اللي مهريه سوي

    وكلي زي ما انت عايزة مفتوح الخضار بالطريقه دي

    عايزة تحمري اللحمة ولا الفراخ

    بصي بعد ما تتسلق الفراخ ولا اللحمة اضربي بيضة صغيرة خالص مع معلقة لبن وادهني بفرشاه اللحمة او الفراخ وحطيهم في الفرن وولعي الشواية لحد بس ما يحمر الوش وينشف البيض كويس جربوها واقولولي

    منقووووووووووووووول

    بنت الأسلام

    عدد المساهمات : 136
    تاريخ التسجيل : 17/11/2010

    رد: الرجيم الاخضر

    مُساهمة من طرف بنت الأسلام في السبت نوفمبر 20, 2010 9:36 am

    تسلم ايديكي يا قمر


    والف شكر

      الوقت/التاريخ الآن هو الخميس نوفمبر 15, 2018 1:36 am