اكاديمية المراءة العربية

اهلا اهلا اهلا
يا ست الكل
نورتينا

واسعدنا دخولك المنتدى
يلا سجلى معانا منتظرينك

اكاديمية المراءة العربية

كل ما تهتم به المراءة العربية

عــــيـــــد ســعـــــيــــد

    ريجيم يوم ويوم خسسان بدووون حرمان

    شاطر

    ام عبد الرحمن
    مديرة الموقع
    مديرة الموقع

    عدد المساهمات : 237
    تاريخ التسجيل : 28/07/2010

    ريجيم يوم ويوم خسسان بدووون حرمان

    مُساهمة من طرف ام عبد الرحمن في الجمعة نوفمبر 12, 2010 7:13 am

    السلام عليكم يا احلى فتوكات انا جايبالكو انهارده ريجيم جديد يا رب يعجبكوا
    الريجيم ده يعتبر حلقه متوسطه بين الريجيم الكيميائي والريجيم العادي وفكرته انك تاكلي في يوم اللي انتي عايزاه زي اكلك العاادي واليوم التاني تعملي ريجيم لا تزيد عدد السعرات الحراريه فيه عن 500 سعر يعني مثلا 8 تفاحات او 6 كوبايات زبادي كده يعني ممكن اي صنف بس المهم عدد السعرات الحراريه ميزدش عن 500 واليوم اللي بعده تاكلي عادي خالص بس خدي بالك متزوديش عن العادي يعني كانك بتحوشي لليوم الي بعده ودي اهم حاجه في الريجيم ده

    الريجيم ده يابنوتات اللي عامله دكتور تغذيه امريكي james johnson واسمه العلمي the alternate day diet ممكن تدوري عليه ع النت وهو له فوايد كتير:

    اولا: انك مش بتحسي بالحرمان زي الريجيم العادي يعني تقدري تمنعي نفسك عن الاكل يوم لما تكوني عارفه انك ممكن تاكلي اللي انتي عايزاه تاني يوم

    ثانيا: انه من الناحيه الصحيه كويس لانك مش بتتحرمي من فوائد اي نوع من الطعام فتره طويله وممكن عشان تزودي الفايده انك تاخدي فيتامينات في ايام الريجيم اللي مفيهاش اكل

    ثالثا: انه على عكس الريجيمات العاديه جسمك مش بيتعود على الريجيم وبيفضل يحرق زي العادي لانك تعتبري بتفاجئي جسمك بالريجيم تاني يوم

    وعشان الامانه هقولكوا عيوبه:

    اولا: في ناس بتحس بضعف وتعب في ايام الريجيم اللي مفيهاش اكل
    ثانيا: لو في حد عنده امراض تغذيه زي الشراهه والقئ (البوليميا) او ان الحرمان من الطعام ليوم هيخليه يسرف في الاكل تاني يوم يبقى مينفعهوش الريجيم ده خالص

    بنت الأسلام

    عدد المساهمات : 136
    تاريخ التسجيل : 17/11/2010

    رد: ريجيم يوم ويوم خسسان بدووون حرمان

    مُساهمة من طرف بنت الأسلام في السبت نوفمبر 20, 2010 9:38 am

    تسلم ايديكي يا قمر


    والف شكر

      الوقت/التاريخ الآن هو الخميس نوفمبر 15, 2018 1:33 am